Google ADS

Hoxhaj i shokuar për vdekjen e Rasim Thaçit-Cima

13:39 | 26 Mars 2021
V. S.

Kryetari në detyrë i PDK-së, Enver Hoxhaj, ka reaguar për vdekjen e aktorit të mirënjohur, Rasim Thaçi – Cima.

Përmes një postimi në Facebook, Hoxhaj ka ndarë disa moment që kishte me Cimën.

Postimi  i plotë:

Më shokoi lajmi për vdekjen e aktorit tonë të dashur Rasim Thaçi – Cima, mikut tim, me të cilin pinim kafe tek lokali jonë i preferuar në Breg të Diellit. Për gjeneratën time, por edhe shumë tjera më pas, të cilat ndiqeshin e përndiqeshin nga pushtuesi serb e ku ëndrrat kishin nisur të veniten, Cima me miqtë e tij, Lecin e Qumilin, nuk na lanë asnjëherë të humbim shpresën.

Cima refuzoi ta ndalë buzëqeshjen, sepse e dinte se një popull kishte sytë nga ai. Me ikjen e tij, sa të hershme aq të padrejtë, ne humbëm Çaplinin tonë shqiptar – por jo edhe buzëqeshjen, sepse këtë na mësoi Cima. Ngushëllime familjes, miqve dhe gjithë popullit të Kosovës.

LAMTUMIRË MJESHTËR!./arbresh.info/

May be a black-and-white image of 1 person

Shpërndaje në rrjete sociale

Lajmet më të lexuara

Të ngjashme

Foto lajm